Kakami Ft. YungYung
Na Kapam Ram
Thangkachida yao rangai
Na iwui ngasa khavai
Na ningai horchamrihai
Ajava khihan ngamai?
Nali phakhamei akhala malei
Nawuivang I lei, Mangachee khai kazei
Kachot kachang saikora namangna van ngasak
Na ngalemli rakhavai tara tungli pheina zat
(Nga)san kasana, hangkasharna
Kha nawuvangva shamadru kanra
Ina nali leikashi, nanava aruila ngachee
Ngasotnao bing ngala vahui
Kha iva chithada masalui
Ningkhamong wui vang khisa namikli chara long
Leikashimangna khamashung kala khangarong
Na ili mashitsang ili khisalu chido
Ning mateongaroksa, Ihi nawui shon
I nawuishon, Iwui achon
I shangaishon nawui khon
Nawui sam awon nganam
Iwui khak zam nganam
Nashavawui cham ili kasham
Kha pamngai kajang na kapam ram
Hei… hei… Hei… hei…Hei
Na kapa ram Na kapam ram
Amei Shimreingam wui pheichon ina yun
Nali khamachukli mathei zimik katun
Iniwui samphag khavai kaphung
Apam chilimang ngasam uklung
I mangacheemara, ngashun ngaya lala
Nana vaokhara tharan I phei ngashonglala rara
Yarkhami mayar khami Varewui pangli lei kha
Wungkashung maungkashung iniwui pangli lei
Oo oo na kapam ram
Oo oo leishi kajang
Oo oo nawui chanhan kashim
Oo oo khuithuimi kakhanang {x2}
I nawuishon, Iwui achon
I shangaishon nawui khon
Nawui sam awon nganam
Iwui khat zam nganam
Nashavawui cham ili kasham
Kha pamngai kajang na kapam ram
Hei… hei… Hei… hei…hei
Na kapa ram
Zimik kachang kala sira bingla
Thangkha shiman serhaisalala
Atam chitharan lila Ina phara
Leikashiya na kapam ram
Hei… hei… Hei… hei… Hei…
Na kapa ram
Na kapa ram
Na kapa ram